Amakhosi yiya eka xiyimo xa vumune hi 42 wa tinhla

Amakhosi yiya eka xiyimo xa vumune hi 42 wa tinhla

Orlando Pirates yi hlule xipano xa Stellenbosch FC hi 1-0. Ku hlula loku ku va nyika 60 wa tinhla ehenhla ka tafula ra DStv Diski Challenge.

Sweswi va rhangela xipano xa Mamelodi Sundowns hi tinhla ta ntsevu.

Sundowns yi na 54 wa tinhla na ntlangu wun’we lowu saleke leswaku vatlanga.

Pirates a yi lava ku hlula loku endzhaku ko hluriwa hi 2-1 hi Kaizer Chiefs eka ntlangu wa Soweto Derby vhiki leri nga hundza.

Va tlangile hi ku kongomisa naswona va kume goli ya nkoka leswaku va tshama va tiyile eka mphikizano wa xidlodlo.

Kaizer Chiefs na yona yi hlurile, yi be Golden Arrows hi 2-1 erivaleni xa mitlangu ra le Dobsonville.

Va suke eka xiyimo xa vuntlhanu va ya eka xa vumune hi 42 wa tinhla.

Muhlaseri lontsongo Naledi Hlongwane u nghenise magoza lawa hamambirhi naswona u tlhele a pfuneta eka ku hlula ka Soweto Derby.

KZN Derby exikarhi ka Richards Bay FC na AmaZulu FC nayona yi sungurile erivaleni ra mintlangu ra le Mpumalanga.