Amanda du Pont a nyikelela R100,000 eka nhlangano wa Women for Change

Mutlangi wa ndhuma na n’wamabindzu Amanda du Pont u endlile xitatimende xa matimba.

Xo lwisana na madzolonga ya rimbewu hi ku nyikela hi R100,000 eka nhlangano wa Women for Change.

Ku hoxa xandla loku ka ku hanana ku ta masiku nyana emahlweni ka ku pfala ka vavasati ka rixaka loku kunguhatiweke hi ti 21 ta Hukuri.

Loku lavaka ku yima ka timinete ta 15 hi nkarhi wa nhlikanhi ku xixima vavasati va 15 lava dlayiwaka siku na siku eAfrika-Dzonga.

Ku pfala ku tlhela ku lava leswaku madzolonga lama simekiweke eka rimbewu ya tivisiwa tanihi khombo ra rixaka.

Amanda u nyikerile hi ku tirhisa brand ya yena ya skincare, Lelive, a kombisa leswaku ku lwisana na madzolonga ku katsa rimbewu hinkwaro naswona swi khumba na vana.

“Ndzi lava ku amukela un’wana na un’wana loyi a khumbekeke na ku amukela vaaki hinkwavo ku yima na hina. Hi lwela n’wina,” ku vula Amanda.

Sabrina Walter, musunguri wa Women for Change, u khumbiwe swinene hi nseketelo wa Amanda.

“Lowu i munyikelo lowukulu swinene lowu hi nage tshama hi wu kuma. Wu vula swo tala swinene leswi humaka eka wansati wa xivindzi swonghasi.

Ndza tinyungubyisa swinene,” u avelane rungula leri swikha swi suka embilwini.

Kungu leri ri rhamba vavasati na vanhwanyana etikweni hinkwaro ku cinca swifaniso swa vona swa phurofayili.

Hlaya nakambe:Mhangu ya movha ya Kharishma yi teka vutomi byinwana

Ku va swa xivunguvungu na ku hlangana hi vun’we, ku fungha nkarhi wa matimu eka nhlangano

Source:http://FakazaNews