Cardoso a bumabumela khwalithi ya xipano xa Pirates

Muzaberi wa Mamelodi Sundowns Miguel Cardoso u vula leswaku Orlando Pirates yi na xipano xo tiya ku tlula MC Alger.

U hlamuserile leswi endzhaku ka loko xipano xa yena xi hlule Pirates hi 1-0 eFNB Stadium hi Ravunharhu na vusiku.

Ku hlula loku ku herise ku hlula ka Pirates eka mintlangu ya 11, ku nga rhekhodo leyintshwa ya PSL.

Sundowns sweswi yi landzela Pirates hi tinhla tinharhu kambe yi khome hi mavoko.

Leswi swi cinca nsusumeto eka mphikizano wa xidlodlo. A ku ri mbuyelo lowukulu eka Cardoso.

Swi tile endzhaku ka ku hlula ka Sundowns hi 2-0 eka xipano xa MC Alger eka CAF Champions League.

Ku hlula koloko, loku a ku rhangela hi khale ka muzaberi wa Sundowns Rulani Mokwena.

Ku va vekile eka kotara ya makumu. Cardoso u byele iDiski Times aku:

“Pirates yina khwalithi yale henhla, yi tiyile kutlula MC Alger. Hi yona mhaka leyi ntlangu lowu awu tika swinene.

“Hi boheke ku cela ehansi, hi cinca maendlelo ya hina, naku tirha hi matimba.”

U engeterile leswaku Sundowns a yi si tshama yi hlula Pirates eka timinete ta 90 eka nguva leyi.

Sundowns yi nga va ehenhla ka tafula loko yi hlula AmaZulu eka ntlangu wa yona.

Va hlongorisa xidlodlo xa vuntsevu hi ku landzelelana xa PSL.