Cardoso a tsundzuxa xipano endzhaku ko hlula ka 9 hiku landzelelana

Cardoso a tsundzuxa xipano endzhaku ko hlula ka 9 hiku landzelelana

Xipano xa Mamelodi Sundowns xi hlule Chippa United hi 4-1 hi siku ra paseka erivaleni ra mintlangu ra le eLoftus Versfeld.

Ku hlula loku ku tlherisele Sundowns ehenhla ka tafula ra Betway Premiership.

Va rhangela xipano xa Orlando Pirates hi tinhla timbirhi. Pirates yi hlule hi 6-0 loko yi hlangana na TS Galaxy emahlweni ka nkarhi wo wisa.

Muzaberi Miguel Cardoso u vula leswaku ku hlula ka nkaye hi ku landzelelana swi kahle kambe a swi enelanga.

“Hi fanele ku tshama hi ri karhi hi hlula hi languta emahlweni,” ku vula yena.

“Loko hi ntshunxekile sweswi, a hi nge hluli xidlodlo.” Sundowns yi ta tlanga na Durban City hi Ravumbirhi leri taka.

Kutani va ta langutana na Esperance de Tunis eka semi-final ya CAF Champions League.

Cardoso u lava ku dzikisa mianakanyo eka ntlangu wun’wana ni wun’wana.

“A ku na nkarhi lowu hi faneleke ku lahlekeriwa hi tinhla hikuva hi lava ku va tinhenha,” ku engetela yena.

Xipano lexi xi ya eDurban hi Musumbhunuku. Endzhaku ka sweswo, va ta khandziya xihahampfhuka va kongoma eTunis eka ntlangu wa Champions League.