Cedric Kaze a vilerisiwa hi matlangelo ya Pirates eka Soweto Derby

Muzaberi wa xipano xa Kaizer Chiefs Cedric Kaze u vilerisiwile hi “maendlelo yo biha” lama tirhisiweke.

Hi xipano xa Orlando Pirates eka ntlangu wa Soweto Derby namuntlha ninhlekani.

Pirates yi hlule Chiefs hi 3-0 erivaleni ra mintlangu ra FNB.

Pirates hi yona leyi lawuleke ntlangu ku sukela eku sunguleni naswona yi nghenise goli ya yona yo sungula endzhaku ka timinete ta ntlhanu ntsena.

Tshepang Moremi u teke xibalesa xa matimba ku suka ehandle ka bokisi.

Bolo yi sukile eka Flavio Silva yi nghena endzeni ka nete.

Oswin Appollis u nghenise goli ya vumbirhi ku nga se hela hafu ya nkarhi yo sungula a tatisa goli yin’we tiva 2-0.

Kaze u pfumerile leswaku Pirates yi faneriwa hi ku hlula.

“A va hi tlula, A hi nga ri eka xiyimo xa vona,” ku vula Kaze endzhaku ka ntlangu.

Kambe u vule leswaku Pirates yi tirhise tindlela leti nga lulamangiki eka hafu ya vumbirhi hi ku tlanga hi nkarhi no ya ehansi hi ku olova.

U te: “Va tlange hi nkarhi, kambe sweswo swi hungute matimba ya hina.”

Pirates yi nghenise goli ya vunharhu kasi Chiefs yi pfumale vatlangi endzhaku ka loko Inacio Miguel a humile a vavisekile.

Hambi leswi va hluriweke, Kaze u vule leswaku Chiefs ya ha ri na 13 wa mintlangu leyi nga sala ku antswisa xiyimo xa yona.

Mbuyelo lowu wu tlherisela Pirates ehenhla ka tafula ra Betway Premiership hi 41 wa tinhla endzhaku ka 18 wa mintlangu.