Ciza a tlangela swidlodlo swimbirhi swa masagwadi ya Metro FM

Nghwazi ya laha Afrika-Dzonga ya Afrohouse Ciza u tlangela xiendlakalo lexikulu eka ntirho wa yena wa vuyimbeleri.

Endzhaku ko wina swidlodlo swimbirhi swa le henhla eka masagwadi ya vuyimbeleri ya Metro FM ya 2026.

Muyimbeleri loyi wa vuswikoti, loyi a tivekaka hi risimu ra yena ro duma ra Isaka.

U teke masagwadi ya Artist of the Year na Best Male Artist hi nkarhi wa nkhuvo lowu khomeriweke eDurban ICC hi Mugqivela wa ti 25 ta Dzivamisoko 2026.

Nkhuvo wa masagwadi, lowu tlangeleke malembe ya 40 ya xitichi, wu vonile Ciza a humelela tani hi un’wana wa vahluri lavakulu va madyambu lawa.

Endzhaku ka ku hlula ka yena, muyimbeleri loyi u kombisile ku tlangela ka yena lokukulu eka vaseketeri va yena eka swihangalasa-mahungu swa le ka social media.

“Ndza khensa Afrika-Dzonga ku pfumela eka mina. Leswi a hi ku tiyisisiwa, i rirhandzu, naswona ndza ri twa,” u tsarile eka rungula leri humaka embilwini.

Eka vhidiyo leyi a avelaniwa na vaseketeri va yena, Ciza u vuyelerile a tlhela a tsaka hikokwalaho ka xikongomelo xa yena xo yisa vuyimbeleri bya yena emisaveni hinkwayo.

Ni mana wa yena, music icon Nhlanhla Mafu, a tlangela ku humelela ka yena, Ciza u ya emahlweni a tirha hi matimba ku tiyisisa ndhawu ya yena eka bindzu ra vuyimbeleri bya misava hinkwayo.

Hlaya swotala:Vayimbeleri vo tala va wina masagwadi ya Metro FM hi Mugqivela

U hlamusele ku hlula loku tani hi masungulo ntsena ya riendzo ra yena, a tshembisa vaseketeri va yena leswaku ku na swo tala leswi nga ta huma eka yena.

Source:http://FakazaNews