DJ Chymamusique a xavisa movha wa xiyimo xa le henhla na xithuthuthu

Muhumelerisi loyi a nga wina masagwadi hi tlhelo i DJ Chymamusique u xavisa movha wa yena wa xiyimo xa le henhla na xithuthuthu.

Endzhaku ka mhangu ya movha leyi laveke ku nwi dlaya yi nga tlhela yi teka vutomi bya munghana wa yena wa le kusuhi, DJ Poizen.

Mutshila loyi a velekiweke eLimpopo, loyi vito ra yena ra xiviri ku nga Collen Mmotla.

U vekile eka switori eka Instagram hi ti 19 ta Ndzhati 2025.

Leswaku u xavisa Volkswagen Tiguan R Line ya yena ya 2003 leyi nga na 76,000 km na matimu ya vukorhokeri lebyi heleleke.

Xikan’we na xikanyakanya xa xithuthuthu xa Suzuki Boulevard lexi nga na 27 km ntsena.

Havumbirhi bya swona swi xavisiwa swin’we hi R735,000.

Eku sunguleni ka nhweti leyi, Chymamusique u hlamarisile vaseketeri.

Hi ku avelana xifaniso xa yena a ri eka xitulu xa lava lamaleke (Wheelchair).

A anakanyisisa hi laha a humeleleke hi singita ra ku pona eka mhangu liya.

Eka Twitter, u hlohlotele valandzeri va yena ku tlangela vutomi no amukela a ku.

“Ku na swo tala leswi ndzi swi dyondzaka eka xiyimo lexi xo tika.

“Swo tala swi nga cinca evuton’wini hi second ntsena”.

Valandzeri na vaseketeri va rhumele marungula yo khutaza eka inthanete.

Laha mutirhisi un’we wa inthanete a n’wi hlohloteleke ku tshama a ri na ntshembo.

Na ku va na langutelo lerinene, a kombisa matimba ya xikhongelo hi minkarhi yo tika.