DJ Tira a tlangela rirhandzu lerikulu eka ku fikelela malembe ya 50

Nyeleti ya vuyimbeleri bya Afrika-Dzonga, DJ Tira, u amukerile minavelo yo tala loko a tlangela ku fika eka 50 wa malembe.

Mutshamaxitulu wa Afrotainment, loyi vito ra yena ra xiviri ku nga Mthokozisi Khathi, u khense vanghana, ndyangu, vatsakeri ni vatlangi-kulobye lava n’wi tsakelaka.

Ku fika eka 50 wa malembe i goza ra nkoka eka DJ ni muhumelerisi loyi a nga na xiave lexikulu eka ku kula ka gqom eAfrika-Dzonga.

DJ Tira u tirhise nkarhi lowu ku khensa vanhu lava n’wi rhumeleke minavelo ya siku ra veleko.

“Ndza khensa eka minavelo ya siku ra veleko,” ku vula yena.

Eka mintirho ya yena, DJ Tira u tiveka ku nga ri ntsena tani hi DJ, kambe na tani hi n’wamabindzu ni murhangeri wa Afrotainment.

Hi label leyi, u pfulele vatshila vo tala tindlela ta ku hluvuka eka indasitiri ya vuyimbeleri.

Ntirho wa yena wu tlhela wu paluxa xiave xa yena eka ku aka vito ra tinyeleti to tala ta vuyimbeleri bya Afrika-Dzonga.

Ku fika ka DJ Tira eka 50 wa malembe i nkhuvo wa ndzhaka, nkucetelo ni ku humelela eka indasitiri ya vuhungasi.