DJ Zinhle a tsala rungula ro khumba mbilu hi siku ra Kairo Forbes

Hi ti 08 ta Mawuwani 2025, DJ Zinhle u tlangele siku ra ku velekiwa ka n’wana wa yena wa nhwanyana.

Kairo Forbes loyi a heta khume wa malembe hi ku tsala rungula leri khumbaka swinene.

Kairo i n’wana wa DJ Zinhle na mufi muyimbeleri wa rap AKA.

U kurile a a ri nwana loyi a nga na nkucetelo loyi a tsakeriwaka hi vo tala.

DJ Zinhle u tsundzuke hi ku velekiwa ka Kairo, a kombisa ku khensa na ku tlangela ka yena ku va a a ri mana wa yena.

“Khume ra malembe ndzi tivutisa leswaku ndzi ve njhani ni nkateko wo va manana wa wena.”

U avelane ni switwi swa yena swaku nga faneriwi hi nkateko wo tano.

A hlamusela Kairo tanihi nyiko leyi n’wi endleke a kholwa leswaku a nga fikelela swo tala naswona u faneriwa hi leswinene evuton’wini.

Zinhle u kombise muxaka lowu nga hlamuselekiki wa tintswalo ta Xikwembu evuton’wini bya yena.

Ngopfu-ngopfu hi ku tirhisa n’wana wa yena wa nhwanyana.

Rungula ra yena ri katsa xikhongelo lexi humaka embilwini eka Kairo:

“Ndzi khensa Xikwembu hi wena siku rin’wana na rin’wana. Naswona namuntlha, ndzi khongelela ngopfu-ngopfu ntsako wa wena”.

“Onge xi nga hundzula ku vava kun’wana na kun’wana ku va xikongomelo, na mihloti yin’wana na yin’wana yi va ku hleka.”

DJ Zinhle u tlhele a amukela ku pfumaleka ka tata wa Kairo, mufi AKA

Na xiave lexi nuna wa yena Bongani a xi tlangaka evuton’wini bya Kairo:

“Mina na Bongani hi navela siku na siku leswaku inge tata wa wena a ha hanya”.

“Kambe hi tshembisa ku endla hinkwaswo leswi hi nga swi kotaka ku tata misava ya wena hi rirhandzu, ntsako, na muxaka wa miehleketo leyi a nga ta tinyungubyisa ha yona.”

U tiyisekise Kairo leswaku u ta tshama a ri karhi a tsundzuka ndlela leyi tata wakwe a a n’wi rhandza ha yona.

Loko a gimeta rungula ra yena, DJ Zinhle u vitanile Kairo “moya-xiviri wa musa swinene na makwerhu wa xisati lonene,”

A kandziyisa rirhandzu leri nga heriki na ku tinyungubyisa loku a ku twaka eka n’wana wa yena wa nhwanyana.

Ku xixima ka DJ Zinhle a ku funghi ntsena xiendlakalo xa nkoka evuton’wini bya Kairo.

Hlaya nakambe:Grace Mondlana a pfuxa njhekanjhekisano eka Social Media

Kambe ku tlhela ku kombisa rirhandzu leri nga heriki na matimba ya ndyangu wa vona, hambi loko va langutane na ku lahlekeriwa.

Landzela pheji eka Facebook: https://www.fb.com/l/6lp1kJRRR

Source: FakazaNews