DR Congo yi endla matimu yo ringanela ku ya eka khapu ya misava

DR Congo yi ringanerile ku ya eka khapu ya misava naswona leswi swi endleka ro sungula ku sukela hi 1974.

Yi hlule ntlangu wo hlamarisa hi 1-0 loko yi hlangana na Jamaica hi nkarhi lowu a wu engeteleriwile wa ti playoffs hi Ravumbirhi na vusiku.

Goli ro hlula ri fike hi minete ya vu-100, laha Axel Tuanzebe a nga nghenisa goli hi ku rahela ekhoneni.

Vatirhela-mfumo va kambisise leswaku bolo leyi ayi tanga ni swihoxo xana? kambe va pfumelele goli hikuva aku pfumaleka swihoxo.

Vaseketeri va fambe va tele hi ntsako loko vaya emakaya.

DR Congo hi yona leyi a yi lawula ntlangu lowu eEstadio Guadalajara.

Va tumbuluxe minkarhi yo tala, hambileswi swibalesa leswi nga erivaleni a swi nga ri swingani.

Muhlaseri Cédric Bakambu u tsakile endzhaku ka ntlangu. “Hi tsakile naswona hi khensile swinene,” ku vula yena.

“A hi se swi lemuka hi ku helela. Kambe loko hi tlhelela eKinshasa, swi ta va swi tsakisa swinene”

Lowu i nkarhi wa vumbirhi ntsena eka DR Congo ku va yi ringanela kuya eka Khapu ya Misava.

Va hetelele ku tlanga eka malembe ya 52 lama hundzeke tani hi Zaire.

I xipano xa vukhume xa laha Afrika lexi nga ringanela ku joyina Group K na Colombia, Portugal, na Uzbekistan.

Hi nkarhi lowu fanaka, Iraq yi teke xiyimo xo hetelela hi ku hlula Bolivia eka playoff yin’wana hi Ravunharhu.