Dube na Neliswa va hlongoriwa eka Big Brother

Hi Sonto nivusiku eka Big Brother Mzansi: Bazozwa u hlamarile hi ndlela yo chavisa.

Mufambisi wa nongonoko Smash Afrika u vule leswaku Dube u hlongoriwile hi vahlaleri va nongonoko lowu.

Naswona hi yena wo sungula ku famba vhiki leri, vanhu hinkwavo eka Big Brother a va ri ekhombyeni handleni ka nhloko ya yindlu “Mmeli”.

Dube u humile a a ri karhi a tinyungubyisa. “Ndza tsaka hikuva ndzi kote ku nghena ndzi tlhela ndzi huma hi nyangwa” ku vula yena.

U tlhele a vula leswaku vuxaka bya yena na Kokii i bya ntiyiso. Va kunguhate ku ya eka date hi mali ya yena ya masagwadi ya R10,000.

Kambe mpfilumpfilu wu sale wu humelela eka vusiku lebyi. Big Brother yi kombisile vhidiyo ya nyimpi ku sukela hi Mugqivela nivusiku.

Nyimpi leyi yi katsa Neliswa Ngada, Velile “Que” Nongongo na Didintle “Didi” Mothobi.

Que u vitane Didi hi mavito yo biha yo fana na “slut” naswona u vule swilo swo biha hi yena nkarhi lowu nga hundza.

Vatlangi vanwana va leka Big Brother va hlundzukile swinene.

Eka mpfilumpfilu lowu, Neliswa u be Que a a ri emubedweni, Big Brother yi nyikile Didi switereka swimbirhi.

Kasi Que u nyikiwile xitereka xin’we. Neliswa u hlongoriwile hi ku hatlisa hikwalaho ka nyimpi.