Eskom yi tiyisisa nkayivelo wa mphakelo wa gezi

Eskom yi tivise leswaku ku tava naku kavanyeteka ka mphakelo wa gezi naswona ku tava eka stage 2 nimadyambu.

Ku sukela hi awara ya mune nindzhenga 16:00 ku ya eka awara ya khume navusiku 22:00.

Hi Ravunharhu hiti 14 ta Mudyaxihi 2025, na hi Ravumune, hiti 15 ta Mudyaxihi 2025.

Goza leri ra laveka ku lawula vuswikoti bya vutumbuluxi na ku tiyisisa ku tshamiseka ka mphakelo wa gezi.

Hambi leswi ku nga na ku nonoka loku vangiweke, Eskom yi tshama yi tiyimiserile ku nyika mphakelo wa gezi lowu tshembekaka.

Xiyenge xa ​​gezi xi vikile ku antswisiwa nyana eka ku yimisiwa ka gezi loku nga kunguhatiwangiki ku sukela tolo.

Hambiswiritano, fambiselo ra gezi ri tshama ri ri na swipimelo.

Swipano swa Eskom swi tirha hi matimba ku ndlandlamuxa ntshamiseko wa grid.

Leswi seketeriwaka hi ku antswisiwa ka xivumbeko loku yaka emahlweni eka hinkwaswo swa vutumbuluxi.

Eskom yi ta ya emahlweni yi langutisisa sisiteme ya gezi na ku nyika swintshuxo loko ku ri na ku cinca loku nga humelela.

Vaxavi va tsundzuxiwa ku kambela tixedulu ta vona ta loadshedding na ku pulana hi ku ya hi swona ku hunguta ku khumbeka ka ku yimisiwa ka gezi.

Tanihi leswi vukorhokeri bya gezi byi tirhaka ku tiyisisa mphakelo wa gezi lowu tiyeke,

Vatirhisi va hlohloteriwa ku tirhisa gezi hi ndlela leyinene.

Hlaya nakambe: Mudyondzisi a khomiwa endzhaku ka loko a kumiwile na maphepha ya vuxisi

Na ku vika timhaka tihi na tihi leti fambelanaka na gezi eka tisenthara ta vukorhokeri bya vaxavi ta Eskom.

Source: SABC News