Fani u yimisiwile nakambe eka tender ya R360 wa timiliyoni

Lieutenant General Molefe Isaac Fani u yimisiwile nakambe hi SAPS eka mhaka ya tender ya Medicare24.

Tender ya R360 wa timiliyoni yi nyikiwile Medicare24 hi 2024 eka vukorhokeri bya rihanyu bya vatirhi va SAPS.

Mhaka leyi yi hlanganisiwa na Cat Matlala naswona tender yi hetelela yi tekiwa yi nga landzelangi milawu.

Ku tlakuke swivutiso hi nkarhi wo koma wa ku navetisa tender ni matsalwa lama kayivelaka.

Ku tlhela ku va na swivilelo swa ku va ku nga endliwanga ndzavisiso lowu ringaneke.

Fani u hoxa xandla eka Komiti ya ku Ajiuta Tindzawulo leyi katsekaka eka mafambiselo ya tender.

Ku vikiwa leswaku kwalomu ka R50 wa timiliyoni byi hakeleriwile loko tender yi nga si herisiwa.

HLAYA: https://rivoniramahungu.co.za/zonke-u-tirhisana-na-yanga-chief-eka-risimu-lerintshwa/

Fani u yimisiwile swin’we na swirho swin’wana leswi katsekaka eka mhaka leyi.

SAPS yi vula leswaku maendlelo ya ndzayo ni ndzavisiso ma ha ya mahlweni.