Ghost Hlubi a pona ri anhlamile

Munhu wa ndhuma swinene wa laha Mzansi a hlangana ni nghozi yo chavisa swinene

Content creator kumbe mutumbuluxi wa swilo wa laha Afrika-Dzonga Ghost Hlubi u vile eka mhangu ya movha namuntlha.

Vhidiyo ya mhangu leyi yi hangalakile hi ku hatlisa eka swihangalasa-mahungu swa le ka social media.

Clip leyi, leyi averiweke hi Fresh News eka Instagram.

Yi kombisa Hlubi a ri karhi a huma emovheni wa yena wo tshwuka endzhaku ka loko wu chayise movha wun’wana.

Movha wun’wana lowu chayisiweke wu onhakile nyana. Hlubi a nga hlamulanga nchumu eka video leyi.

A nga kona loyi a swi tivaka leswaku i yini lexi vangeke mhangu leyi.

Eka Internet vanhu va kanetana hi leswaku i mani loyi a endleke xihoxo exikarhi ka lava mbirhi.

Van’wana va vula leswaku muchayeri loyi un’wana u endle xihoxo.

Van’wana va hleka va vula leswaku swi nga endleka ku ri yin’wana ya tiprank ta Hlubi. Hlubi a nga si vulavula hi mhaka leyi.