Gift Links a vilerisiwa hiloko a siyiwile eka Bafana Bafana
Gift Links, mutlangi wa malembe ya 27 hi vukhale wa xipano xa Aarhus eDenmark, u titwa a lahlekile hikuva a nga vitaniwanga eka xipano xa Bafana Bafana.
U vonake eka mintlangu yitsongo eAfrika-Dzonga naswona u hetelele hi lembe ra 2021.
Ku sukela kwalaho, a ku na munhu wo huma eka xipano xa rixaka loyi a nga tihlanganisa na yena.
Links u leku tirheni kahle eka xipano xa Aarhus, sweswinyana u tlangile ntlangu wa yena wa vu 200, eka xipano lexi naswona u sayinile ntwanano wuntshwa wa malembe ya mune ku fikela hi 2029.
Eka nguva leyi, u na 5 wa tigoli a tlhela a pfuneta ka 6 eka 30 wa mintlangu.
Eka podcast ya SoccerBeat, khale ka mutlangi wa Cape Town City u vule leswaku u lava tinhlamulo.
“Ndzi ye ekampeni hi 2021, ndzi vuyile, naswona a ku na nchumu. A ku na munhu loyi a ndzi byeleke leswaku hikokwalaho ka yini,” ku vula yena.
“Swa tika hikuva a ndzi tivi loko ndzi endle swo biha.”
Bafana Bafana yi tilulamisela Khapu ya Misava ya 2026 loko yi ta hlangana na Mexico, Korea Dzonga, na Czech Republic.
Hlaya nakambe:Shauwn Mkhize a vuya eka social media ata tlangela siku ra yena
Links u engeterile, “Ndzi le munyameni. Kambe ndzi ta ya emahlweni ndzi tirha hi matimba eDenmark. Kumbexana siku rin’wana swi ta cinca.”
Source:http://Soccer Betting News
