Hugo Broos a lulamisa xipano xa Bafana Bafana

Xipano xa laha Afrika-Dzonga xa Bafana Bafana xi tlangile hi ku ringana hi 1-1 na Panama.

Eka ntlangu wa xona wo sungula wa xinghana erivaleni ra mintlangu ra Moses Mabhida hi Ravuntlhanu.

Bafana Bafana yi tlangile kahle kambe yi salele endzhaku hi minete ya vu 23 ku suka eka goli ya Edgar Barcenas.

Oswin Appollis u ringanisile goli loko hafu ya vumbirhi yi sungula.

Muzaberi Hugo Broos u kunguhatile ku cinca kutsongo eka xipano xa yena.

A nga ha nyika Mbekezeli Mbokazi na Bongokuhle Hlongwane nkarhi wo tlanga, lava nga hundza eka ntlangu wo sungula hikwalaho ka jet lag.

Broos u te: “Vatlangi hinkwavo va 23 va lunghekile. A ku na loyi a nga vaviseka kumbe ku hlaseriwa hi mavabyi.”

U engeterile a tlhela a ku: “Hi ta teka ntlangu wa hina lowu landzelaka wu va ni nkoka. Ku tlanga na Panama kambirhi swi kombisa nkarhiwa kahle wo tilulamisa naswona ndzi langutele ntlangu wun’wana wo tika.”

Bafana Bafana yi ta sungula ntlangu wa Khapu ya Misava ya 2026 loko yi ta hlangana na Mexico hi ti 11 ta Khotavuxika erivaleni ra mintlangu ra Azteca.

“Mintlangu leyi yi hi lulamisela sweswo,” ku vula Broos. U le kusuhi no heta ku lulamisa xipano xa yena xa Khapu ya Misava.

Hlaya nakambe:Ime Okon u lava vusirheleri byo antswa loko va tlanga na Panama nakambe

“Kwalomu ka 75% wa xipano lexi xinga leku tlangeni sweswi xi taya eka Khapu ya Misava, hambi loko va nga tlangi kahle eka ntlangu lowu landzelaka”.

Source:http://Soccer Betting News