Hugo Broos a seketela Zwane eka xipano xa khapu ya misava

Muzaberi wa xipano xa Bafana Bafana Hugo Broos u seketerile nhenha ya Mamelodi Sundowns Themba Zwane eka xipano xa Khapu ya Misava ya FIFA ya 2026.

Broos u vulavule endzhaku ka loko Afrika-Dzonga yi tlanga hi ku ringana na Panama hi 1-1 erivaleni ra mitlangu ra le Moses Mabhida hi Ravuntlhanu.

Zwane u tlangile awara yin’we loko Relebohile Mofokeng a nga si nghena.

“Un’wana na un’wana u swi vonile leswaku hikokwalaho ka yini ndzi n’wi hlawurile. I mutlangi lonkulu,” ku vula Broos.

“U hi pfunile ku tlanga bolo yo antswa. Kambe a nga se swikota ku tlanga 90 wa timinete. Hi fanele ku va na vukheta leswaku hi nga n’wi tikiseli ngopfu, a nga vaviseka.”

Zwane wa malembe ya 34 hi vukhale u hundziwe hi mitlangu yo tala hi 2024 na 2025 hikwalaho ka ku vaviseka ka Achilles tendon na xiphiqo xa matsolo.

“Hi ta n’wi kambela hi Ravumbirhi. Loko a hola kahle, u ta tlhela a tlanga,” ku engetela Broos.

“Loko Themba a tshama a hanye kahle a nga vavisekanga, u ta va na hina eka Khapu ya Misava – hambi loko o nghena a nga heti na hina ntlangu.”

Hlaya nakambe:AmaZulu FC yi hambana hi tindlela na muzaberi na mulawuri wa bolo

Bafana Bafana va ta langutana na Panama nakambe eCape Town hi Ravumbirhi.

Source:http://Soccer Betting News