Hugo Broos u paluxa xivangelo xo siya Bafana Bafana

Murhangeri wa khale wa Bafana Bafana, Hugo Broos, u paluxile xivangelo xo nga n’wi endla a tshika ntirho.

Nkarhi wa kontiraka ya yena na SAFA wu herile, naswona a nge pfuxeti.

Broos u vule leswaku ku tshama nkarhi wo leha ekule na ndyangu wa yena swi n’wi tikiserile.

U tlhele a vula leswaku ku hanya a ri yexe eAfrika Dzonga swi n’wi endle a teka xiboho lexi.

Mutswari loyi wa le Belgium u na malembe ya 74 hi vukhale.

U te ku yisa Bafana Bafana eka Ndzheko wa Misava wa FIFA wa 2026 i nchumu lowu nga n’wi tsakisa swinene.

U vule leswaku leswi swi endleke endzhaku ka malembe ya 40 a tlanga eka Ndzheko wa Misava wa 1986.

Phuresidente wa SAFA, Danny Jordaan, u nkhense Broos hi ntirho wa yena.

HLAYA: https://rivoniramahungu.co.za/phala-u-vilela-hi-mhangu-ya-shabalala/

Broos u sungurile ku letela Bafana Bafana hi 2021.

U yisile tiko eka ndzhaka ya koporo ya AFCON ya 2023 naswona a tlhela a pfuna tiko ku fika eka swiyenge swa ku hoxa-hoxana eka 2026 FIFA World Cup.