Indasitiri ya vuhungasi bya laha Afrika-Dzonga yi wela hi papa ra ntima

Indasitiri ya vuhungasi ya laha Afrika-Dzonga yi rila hi ku lahlekeriwa ka xitshuketa ka mutlangi Londiwe Faith Nene.

Loyi a tivekaka ngopfu hi xiave xa yena tani hi Aunt Thuli eka drama ya TV leyi dumeke ya Youngins.

Mutlangi loyi wa vuswikoti wa malembe ya 35 hi vukhale u hundzile emisaveni hi ti 11 ta Nhlangula 2025.

Ehansi ka xiyimo lexi ndyangu wa yena wu enhleketelela a nga va a cheleriwe chefu.

Eka xitatimende lexi humaka embilwini, ndyangu wa ka Nene wu kombise gome ra wona lerikulu.

Naswona wu kombele ku va exihundleni hi nkarhi lowu wo tika.

Sesi wa Londiwe, Lethukuthula Nene, u byele vateki va mahungu leswaku ndyangu wa ha hlamala naswona a wu se twisisa khombo leri.

U paluxile leswaku Londiwe angava a teke vutomi bya yena hi ku nwa chefu.

Hambi leswi vuxokoxoko hinkwabyo byi nga ta tiyisisiwa hi vatirhi va xiphurofexinali.

Lethukuthula u tlhele a xiya leswaku Londiwe a nga kombisanga swikombiso leswi vonakaka swa ku karhateka loko a nga si hundza emisaveni, leswi siyeke ndyangu wu lava tinhlamulo.

Handle ka Youngins, Londiwe u humelerile eka minongonoko yo hlaya leyi dumeke ku katsa na Outlaws, Adulting, na Aunties, laha a nga tlanga tani hi Rachel Ndlovu.

Londiwe Nene a ri ni talenta leyi a yi ri karhi yi tlakuka eka xivandla xa vuhungasi bya Afrika-Dzonga.

Hlaya nakambe:“Ndzi Miss Mlotshwa Ximfumo” Enhle Mbali a hetisisa divorce na DJ Black Coffee

Naswona rifu ra yena ri siye vo tala va hlundzukile, onge moya wa yena wu nga wisa hi ku rhula.

Source:http://FakazaNews