Jelly Babie a xanisiwa a tekeriwa na R2 million hi khale ka nuna wa yena
Jelly Babie a xanisiwa a tekeriwa na R2 million hi khale ka nuna wa yena
Muyimbeleri wa laha Afrika Dzonga Jelly Babie u avelane xitori xa yena xo vava mayelana na vukati bya yena.
U vula leswaku khale ka nuna wa yena, Koketso, u n’wi xanisile swinene emirini na le ka swa timali.
Eka tipost ta yena taka Instagram, muyimbeleri loyi wa malembe ya 20 hi vukhale u kombisile swivati leswi aswiri emilengeni ya yena.
U vule leswaku ku mhaka leyi yi n’wi endle a ringeta na ku tidlaya ku hindza kan’we.
Jelly Babie u navela ingaku loko anga hatlangi a tekiwa a ha ri ntsongo.
U vula leswaku wanuna loyi u teke mali ya yena hinkwayo ya gig—kwalomu ka R2 million eka malembe mambirhi.
Nuna wa yena, u vule leswaku Jelly Babie u tirhisa mali yo tala ngopfu, kutani u fanele kunwi rhumela yona leswaku a ta nwi hlayisela yona.
Jelly Babie u vekerile na tiscreenshots ta le bangi leti kombisaka a a ri karhi a rhumela khale ka nuna wa yena mali tanihi vumbhoni.
Varhandzani lava va tekanile hi lembe ra 2024 endzhaku ka loko loyi wa wansati a loboriwile.
Mahungu ya swiphiqo leswi ya sungurile ku va kona endzhaku ka tin’hweti ta 11.
Jelly Babie u dume hi lembe ra 2023 na Vusi Ma R5, u tirhile na DJ Maphorisa na Pabi Cooper.
U tshike xikolo eka Giredi ya 11 ku ya hlongorisa nyiko ya yena ya vuyimbeleri.
Hlaya nakambe:Xiyimbeleri xa ndhuma xa Lekompo xi hundza emisaveni
Mhaka ya yena yi hlomula mbilu swinene tani hileswi a langutekaka a ha ri ntsongo.
