Joburg EMS yi tsundzuxa vaaki hi swidzedze leswikulu

SABC News yi vika leswaku Vukorhokeri bya xihatla bya doroba ra Johannesburg (EMS) byi tshama byi xalamukile swinene.

Endzhaku ka loko Vukorhokeri bya Maxelo bya Afrika-Dzonga (SAWS) byi humesile xilemukiso xa Level 2 eka swidzedze leswikulu vhiki leri nga hundza.

Muvulavuleri wa EMS wa le Joni Robert Mulaudzi u vula leswaku a ku vikiwanga timhangu letikulu endzeni ka doroba, kambe vaaki va ha komberiwa ku tshama va xalamukile.

Mulaudzi u vula leswaku vaaki va tsundzuxiwa ku tirhisa magondzo lama fambekaka.

“Ha ha kombela eka vachayeri va hina va mimovha leswaku va ya emahlweni vava ni vuxiyaxiya loko va ri karhi vachayela”.

“Papalata ku tsemakanya magondzo na mabuloho ya le hansi lawa yanga tala hi mati.

“Vaaki va hina lava tshamaka eka tindhawu ta le xiehlweni va fanele ku papalata ku tsemakanya swinambyana loko va ri karhi va endla mintirho ya vona ya siku na siku”.

“Ku suka etlhelweni ra hina tanihi doroba ra Joni, hi ya emahlweni hi va eka xiyimo xa le henhla lexi xalamukeke ku veka tihlo eka swifundzha hinkwaswo swa nkombo swa doroba.”

Translator : Mapula Glashy Makoto