Julius Malema a sue Ngizwe Mchunu R1 million

Murhangeri wa vandla ra EFF Julius Malema u yisa mulweri wa ndhavuko ‘Ngizwe Mchunu’ ekhoto.

U lava ku hakeriwa mali yo ringana R1 million ya mali leyi a nga nwi onhela.

Leswi swi landzela endzhaku ka marito lawa Mchunu a ma vuleke eka mbulavurisano wa le Pretoria na content creator King Zoso hi Ravumbirhi.

Mchunu u te: “Julius Malema u kumile 60 wa mamiliyoni eka vaxavisi va swidzidziharisi va le Nigeria”.

“Naswona hi swona swi endlaka leswaku a sirhelela maNigeria na vahlapfa lava nga riki enawini.”

Gqweta ra Malema, Angelike Charalambous, u vule leswaku swihehlo leswi i mavunwa naswona swi ni khombo.

U vula leswaku va onha vito ra Malema no vavisa vandla ra EFF loko nhlawulo wa miganga wa 2026 wu nga si sungula.

Mchunu u seketela vandla ra MK. Gqweta ri lava leswaku Mchunu a kombela ku rivaleriwa eka social media, eka pulatifomo ya King Zoso, na leka mapage ya EFF ku nga si hela tiawara ta 24.

Loko swi nga ri tano, Malema u ta nwi mangalela mali yo nwi thyakisela vito na ya swibalo.

Mchunu a nga si vulavula nchumu meyalanana mhaka leyi.

Hlaya nakambe:Bonang Matheba a va nghena hi fexeni ya mavayivayi eLesotho

Leyi i yin’wana ya milandzu yo hlaya leyi Malema a yi ngheniseke sweswinyana.

Source:http://The Citizen