Julius Malema na nsati a va ha tshami swin’we

Xana Julius Malema na nsati va ngava va hambanile?

Julius Malema murhangeri wa vandla ra EFF, na nsati wa yena Mantwa Matlala va langutane na mavarivari ya leswaku va hambanile.

Vanhu va vula leswaku Mantwa u rhurhile ekaya ra yena na nuna wa yena a ya efuleteni eBryanston, ekusuhi na Joni.

Mahungu lawa ya sungurile eku heleni ka lembe ra 2024 loko Malema a susa swifaniso swa nsati wa yena eka Instagram.

A nga kona ni un’we exikarhi ka vona loyi a vulavuleke hi mhaka leyi hi nkarhi wolowo.

Sweswi, munhu loyi a nga ekusuhi na varhandzani lava u vula leswaku ava ha tshami swinwe ku sukela lembe leri nga hundza.

“U sukile ekaya ra vona hi lembe ra 2025,” ku vula xikala-vito. “Swilo aswi tika exikarhi ka vona, kambe va swi endle swi va swa xihundla.”

Hambi swi ri tano, varhandzana lava va ha famba swinwe eka swiendlakalo swin’wana.

Leswi swi vangiwa hi nandzu wa Malema ekhoto. A va lavi leswaku mavarivari lawa ya ku hambana ma duma.

Malema u ye ekhoto eEast London hi ti 23 January 2026. U voniwe nandzu hi 2025 hi ku duvula xibamu eka nhlengeletano ya EFF hi 2018.

A ku na munhu loyi a vavisekeke, naswona i tata wa vana vanharhu va malembe ya 19, 9, na 7.