Khoto yi lerisa Musa Khawula leswaku a kombela ku rivaleriwa

Khoto ya le henhla ya le Joni yi lerisile blogger Musa Khawula leswaku a kombela ku rivaleriwa eka murhangeri wa vandla ra EFF Julius Malema na nsati wa yena.

U fanele ku endla leswi loko swi nwi tsandza u taya tshama ekhotsweni ku ringana masiku ya 30.

Hi ti 14 ta Dzivamisoko 2026, khoto yi bohile leswaku Khawula u fanele ku kombela ku rivaleriwa emahlweni ka vanhu.

Leswi swi vangiwa hikuva u postile eka social media leswaku vukati bya Malema byi herile hikwalaho ka vugangu-gangu.

Khawula u vule leswaku a nge kombeli ku rivaleriwa. U tlhele a avelana risimu ra Beyoncé leri vitaniwaka “Sorry” ku hlekula Malema.

Hi Ravumbirhi, khoto yi vule leswaku Khawula u tlule xileriso xo sungula hi vomu.

Yi n’wi nyike masiku ya 30 leswaku a yingisa kumbe a sungula nkarhi wa yena wa ku tshama ekhotsweni.

Loko a nga endli tano, u fanele ku tinyiketela exitichini xa maphorisa ku nga si hela tiawara ta 48.

Khawula u tshame a ya ekhotsweni nkarhi lowu nga hundza. Leswi a swi ri endzhaku ka ti post ta vanhu van’wana vo fana na Vusimuzi ‘Cat’ Matlala.

Hlaya nakambe:Trevor Noah a rhangela riendzo ra Comedy ra laha eAfrika-Dzonga

Naswona a swi le rivaleni leswaku u ta kombela ku rivaleriwa eka nkarhi wa sweswi.

Source:http://The Citizen