LIMPOPO: KU LAVISELIWA MAXELO YO TITIMELA NI SWIDZEDZE

Vaaki va Limpopo va fanele ku va na vuxiyaxiya namuntlha, 30 Ndzati 2026.

Swiphemu swa le xivindzi ni le vupeladyambu bya Limpopo swi langutane ni xitsundzuxo xa maxelo xa Yellow Level 2.

Ku laviseleka swidzedze leswikulu leswi nga fambisanaka ni mpfula leyikulu.

Moya lowu nga ni rivilo ni xihangu na swona swi nga humelela.

Maxelo lawa ma nga vanga mati emapatwini, etindhawini ta le hansi ni le ka mabridge.

Ku tlhela ku va ni khombo ra ku onhaka ka tindlu, switirhisiwa ni swilo swin’wana.

Limpopo yi languteriwe ku va na maxelo yo titimela, ni mpfula leyi hangalakaka swin’we ni swidzedze.

Vaaki va tsundzuxiwa ku papalata tindhawu leti nga ni mati yo tala.

Vafambisi va mimovha na vona va fanele ku chayela hi vukheta, ngopfu-ngopfu loko mpfula yi ri karhi yi na.

Vanhu va fanele ku lava ndhawu leyi sirhelelekeke loko ku sungula swidzedze.

Ku tlhela ku tsundzuxiwa vanhu ku papalata ku yima ehansi ka mirhi loko ku ri ni ku vonakala ka mimpfula.

Rivoni Ra Mahungu ri ta ya mahlweni ri landzelela xiyimo xa maxelo eLimpopo.