Makhadzi a hehliwa hi ku ka anga hakeli mucini ku ringana tinhweti timbirhi

Makhadzi u langutane na ku tlheriseriwa endzhaku hi swihehlo swa mucini loyi a nga hakeriwangiki timali.

Muyimbeleri wa laha Afrika-Dzonga Makhadzi u le hansi ka njhekanjhekisano.

Endzhaku ka loko khale ka mucini wa yena a n’wi hehla hi kuka a nga nwi hakelanga ku ringana tinhweti timbirhi.

Melita Ramokgosi u yile eka Facebook hi ti 14 ta Nhlangula 2025.

A avelana marungula lawa ku hehliwaka leswaku ya kombisa leswaku u kolotiwa mali ya ntirho lowu a wu endliwe exikarhi ka May na June.

Melita u vule leswaku u tshembisiwile ku hakeriwa endzhaku ka riendzo ro ya eMozambique.

Kambe a nga si tshama a kuma mali leyi, leswi nga endla leswaku a herisa vuxaka lebyi.

Mucini loyi u veke ticlips ta yena a ri karhi a cina na Makhadzi.

Naswona u kombisile ku vilela hi marungula na ticalls leti nga tekeriwiki enhlokweni.

Melita u tsarile a ku: “U lava leswaku ndzi ku kombela leswaku u ndzi hakela muholo wa mina lowu ndzi wu tirheleke, leswi nga ku penga.”

Mpfilumpfilu lowu wu landzela swiviko swa sweswinyana swa leswaku Makhadzi u langutane na ku lahlekeriwa.

Hi nhundzu loku nga ha vaka kona hikwalaho ka xikweleti lexi nga hakeriwangiki xa R200,000.

Leswi pfuxeke ku vilela hi ku tshamiseka ka yena ka timali.

Vaseketeri na valandzeri va langutile swinene loko xitori xi ri karhi xi ya emahlweni.