Malaria ya tlakuka hi xihatla exifundzheni-nkulu xa Gauteng

Malaria ya tlakuka hi xihatla exifundzheni-nkulu xa Gauteng

Timhangu na mafu lama vangiwaka hi Malaria ta tlakuka hiku hatlisa exifundzheni-nkulu xa Gauteng.

Ndzawulo ya rihanyo ya xifundzhankulu yi tsundzuxa un’wana na un’wana ku va na vuxiyaxiya.

Ku sukela hi Sunguti ku fikela hi Nyenyankulu 2026, ku vile na 414 wa timhangu leti tiyisisiweke.

Lexi twisaka ku vava, ku lovile vanhu va 11. Leswi swi tlakukile swinene ku tlula lembe leri nga hundza.

Eku sunguleni ka lembe ra 2025, Gauteng yi vile na 230 wa timhangu na rifu rin’we ntsena.

Ha yini leswi swi humelela?

Milandzu yo tala yi huma eka maendzo ya tiholideyi eka tindhawu leti nga na khombo to fana na Limpopo, Mpumalanga, Mozambique, Zimbabwe, na Malawi.

Ndlela yo tisirhelela

Loko u fambe sweswinyana, languta swikombiso swo fana na ku hisa ka miri lokukulu, ku titimela, ku pandza ka nhloko kumbe ku titwa u karhele swinene.

Vona dokodela hi ku hatlisa loko u titwa u vabya. Sivela malariya hiku tirhisa swidlaya switsotswana naku ambala swiambalo swo leha eka tindzhawu letinga na khombo.

Hlaya nakambe:Mama Joy a ya eka riendzo ra World Cup endzhaku ko lwa na Gayton

Siku ra Misava Hinkwayo ra Malariya ri hi April 25. Tshama u hlayisekile naswona sirhelela rihanyo ra wena.