Mame Niang a vula leswi Chiefs yi nga nwi tshikisa xiswona

Mame Niang, muhlaseri wa le henhla wa le Senegal, u avelane xihundla lexikulu ku suka eka nkarhi wa yenal laha Afrika-Dzonga.

Kaizer Chiefs hi yona xipano xo sungula ku n’wi tisa etikweni hi 2009.

Kambe va n’wi tshikile a famba endzhaku ka ku tengisiwa, naswona u hundzuke nyeleti kun’wana.

Bobby Motaung, n’wana wa n’wini wa xipano lexi, u kume Niang a ri ehandle ka tiko.

A a lava ku tlanga eAfrika nakambe, Bobby u n’wi khandziyise xihahampfhuka a ya eAfrika-Dzonga.

A nwi bukela hotela, kutani a n’wi tshika a titoloveta na Chiefs ku ringana kwalomu ka n’hweti.

Xipano lexi a xi zaberiwa hi Vladimir Vermezović hi nkarhi wolowo.

Endzhaku ko hlalela Niang, “VV” u te e-e. Chiefs a yi n’wi sayinanga.

Gavin Hunt, muzaberi wa xipano xa SuperSport United, u teke Niang hi ku hatlisa.

Ehansi ka Hunt, Niang u vile un’wana wa va nghenisi va kahle va bolo eka PSL.

U tlhele a wina sagwadi ra top scorer, endzhaku, Orlando Pirates na Mamelodi Sundowns va lwele ku n’wi sayina.

Mhaka ya Niang yi kombisa hilaha Chiefs ayi endleke xihoxo hakona.

Ku ala ka xipano xin’wana ku hundzuke mhaka ya ku chavisa eka ligi.