MaMkhize na xipano xa yena vahlangana na swiphiqo leswikulu

Shauwn “MaMkhize” na xipano xa yena xa bolo ya milenge xa Royal AM va vile na swiphiqo leswikulu swa nawu na swa timali.

Endzhaku ka xiboho xa khoto ya le henhla ya Pretoria hi ti 08 ta Mawuwani 2025.

Lexi nga kuma leswaku Royal AM yi hambukisile National Soccer League (NSL) na ku tlula milawu yo tala ya Premier Soccer League (PSL).

Khoto yi kombisile ku cinca loku nga pfumeleriwangiki eka ku va na maxavelo na vufambisi bya xipano hi Khotavuxika 2023.

Ku vulavula hi ndlela yo biha eka xikombelo xo pfuxeta swirho xa 2024, na ku tsandzeka ku xixima mintlangu na swiboho swa timali.

Ku tlula nawu loku ku endle leswaku xipano lexi xi hlongoriwa eka PSL.

Leyi se a yi vekiwile ehansi ka vuhlayisi bya SARS hikwalaho ka timhaka ta xibalo.

Khoto yi tlhele yi bakanya matshalatshala ya nawu ya MaMkhize yo endla leswaku Royal AM yi vuyiseriwa eka PSL.

Yi boxa leswaku “complex web” i vulawuri byo biha, swikweleti leswi nga hakeriwangiki.

Swigwevo swa FIFA, na ku nga tshamiseki ka matirhelo.

Vuavanyisi byi hlamusele mahanyelo ya Royal AM tanihi xikombiso xa ku honisa vulawuri na vutihlamuleri.

Ku kuma leswaku xiboho xa ku hlongoriwa ka PSL xi lulamile, ku engetela eka ku hluriwa ka nawu.

Royal AM yi lahlekeriwe hi ntwanano wa ku seketela hi R27 million na Masipala wa Msunduzi eKwaZulu-Natal.

Kontiraka ya sponsorship ayi lava leswaku xipano xiva xirho xa PSL, naswona hiku hlongoriwa ka Royal AM.

Ntwanano lowu wu vuriwile leswaku awu tirhi naswona wu herisiwile ximfumo.

Chief Whip wa ANC, Sandile Dlamini u tiyisisile ku khanseriwa loku hi nkarhi wa nhlengeletano ya huvo.

A kandziyisa ku titshega ka nseketelo wa xipano hi xiyimo xa xipano xa PSL.

Xiboho lexi xi landzela tinhweti ta mpfilumpfilu eka Royal AM.

Ku katsa na vuhlayisi bya SARS mayelana na xikweleti xa xibalo lexi ku hehliwaka xa R40 million.

Ku yirisiwa ka ku hundziseriwa ka vafambisi va FIFA hikwalaho ka miholo leyi nga hakeriwangiki.

Na ku tsandzeka ka xipano ku hakela vatlangi na vatirhi, ku hlongoriwa ka xipano lexi swi kavanyetile nguva ya PSL.

Laha mbuyelo wa Royal AM wu nga ha tirhisiwiki naswona ligi yi ya emahlweni hi 15 wa swipano ematshan’wini ya 16.

Landzela pheji eka Facebook: https://www.fb.com/l/6lp1kJRRR

Source: Daily News