Manana wa Costa Titch a tiyisisa leswaku nwana wa yena a nga dlayangi hi swidzidziharisi

Ku tlula lembe Costa Titch a hundzile emisaveni naswona mana wa yena Lara Langeveld u vula leswaku sweswi u kumile ku rhula emoyeni endzhaku ka loko ku kamberiwile miri wa xiyimbeleri lexi xa rapper. 

Muyimbeleri loyi a ri na makume – nhungu (28) hi vukhale u wile loko a ri karhi a yimbelela eka Ultra Festival eExpo Center eJoni hi ti 11 Nyenyankulu 2023.

Vakamberi va miri wa yena, va paluxele va ndyangu leswaku ku vile na “ntshikelelo lowukulu embilwini ya Costa, a nga swi tivi, leswi nyanyisiweke hi ku tiyisela ntshikelelo na ku karhala” leswi swi nga endleka swi endle leswaku mbilu yi ba hi ndlela leyi nga tshamisekangiki, leswi pfuxeke ku khomiwa hi switlhavi leswi tekeke vutomi bya yena”.

Leswi swi herise ku vulavula hi muyimbeleri loyi wa rapper leswaku u file hinkwalaho ka swidzidziharisi, chefu kumbe vuvabyi bya xitshuketani.

Loko Lara a vulavula na TshisaLIVE, u vule leswaku u lava ku basisa ndzhaka ya nwana wa yena. 

“Nchumu lowu ndzi wu rhangisaka emahlweni a ku ri ku kuma leswaku I yini lexi vangeke rifu ra nwana wa mina, Rixaka ri avanyisa vayimbeleri hi ku languteka ka vona naswona vanhu a va enhleketa leswaku nwana wa mina u tirhisa swidzidziharisi. 

“Ndza swi tiva leswaku Costa a a venga swidzidziharisi, a hi ri badi na buruku” a vula.

Costa a a tsakela vana swinene a a nga ta swi lava leswaku va ehleketa leswaku u tirhisa swidzidziharisi, ndza switiva leswaku a ta lava ndzi swi vula leswi.

Lara u vule leswaku u lava tinhlamulo ta leswaku hinkwalaho ka yini ki vile nq ku hlwela ka ku yisa nwana wa yena exibedlhele na leswi humeleleke exikarhi hi siku reriya. 

“Ndza ha ri na swivutiso mayelana na [leswi humeleleke] loko a wa exitejini hikuva u lovile endzhaku ka tiawara timbirhi endzhaku ka sweswo, naswona xibedlhele xa Milpark na Baragwanath a swi ri kusuhi. 

“Va nwi nghenise endzeni ka ambulense va nwi yisa eka tende ra swihangalasa – mahungu va nwi humesa vanwi hoxa endzeni ka tende rinwana vatshe vanwi siya kwalaya leswaku a sala a rindza xihahampfhuka. 

“Hikokwalaho ka yini va nga nwi yisangi exibedlhele endzhaku ka loko a wile”.

Lara u vule leswaku Costa u fambile matiko ya makume – ntlhanu hi lembe rinwe naswona swi veke ntshikelelo eka rihanyu ra yena kambe wa switiva leswaku u hundze emisaveni a endle ku rhandza ka mbilu ya yena.

 “U endle leswi a a swi tsakela, hambi leswi a swi ndzi tikela, kambe ndza switiva leswaku a a tsakela vuyimbeleri. 

“Ndzi fanele ndzi amukela, u fanele a wisa naswona swi hungute mahungu ndlela ya ku a a dzaha swidzidziharisi na hinkwaswu leswi vanhu a va vulavula.”