Maphorisa ya khoma swichudeni swinharhu swa le Univen

Maphorisa ya khomile machudeni yanharhu eYunivhesiti ya Venda leyi hi komisa va yi vitana Univen.

Hikokwalaho ka madzolonga ya vaaki na ku pfala magondzo hi nkarhi wa ku kombisa ku vilela mayelana na swiphiqo swa vulawuri.

Ku kombisa ku vilela ku sungurile hi Sonto hi ti 03 ta Mudyaxihi 2026.

Swichudeni swi lava nseketelo wo antswa wa dyondzo, tipholisi leti lulameke, na vukorhokeri lebyi antswisiweke.

Va vula leswaku varhangeri va yunivhesiti leyi va va tsandzeka.

Tivhidiyo eka social media ti kombisa swichudeni swi tsutsuma hikuva swi chava maphorisa, swin’wana swi hisa mathayere, swi tlhela swi holova na maphorisa.

Xichudeni xin’wana xi tirhise dustbin leyi chelaka thyaka leswaku xi papalata ku baleseriwa hi tirubber bullet.

Machudeni ya kombise ku vilela ya pfala na magondzo ya tlhela va onha swikoweto swa le magondzweni.

Xikolo xa le henhla xa Univen xi yimise titlilasi hi Ravumbirhi.

Vatirhi lava a va titwa va nga hlayisekanga a va tirha va ri ekaya ku sukela hi Ravunharhu ku ya fika hi Ravumune.

Yunivhesiti yi vula leswaku vuhlayiseki byi ta emahlweni naswona yi kombela un’wana na un’wana ku tshama a ri na vuxiyaxiya.

Hlaya nakambe:Anele Mgudlwa a sungula podcast leyintshwa ya vavasati

Maphorisa na wona ya leku langutiseni ka khamphasi hi vukheta.

Source:http://The Citizen