Masalela ya munhu ya kumeka endzeni ka ngwenya

Captain wa vukorhokeri bya maphorisa ya Afrika-Dzonga (Saps) u bumabumeriwile tani hi nhenha eka swiendlo swa yena swa xivindzi hi nkarhi wa ntirho lowu nga na khombo enambyeni wa Komati.

Maputeni Johan “Pottie” Potgieter u ehlisiwile kusuka eka xihahampfhuka xa SANParks kuya ematini lawa yanga tala hi tingwenya.

Hi xivindzi u bohe ntambhu eka ngwenya leyi feke leswaku a yi tlakusa yi huma.

Leswi swi endle leswaku maphorisa ya kuma masalela ya vanhu endzeni ka xiharhi lexi.

Muvulavuleri wa maphorisa Brigadier Athlenda Mathe u vule leswaku Captain Potgieter u tirhile eka swiyimo leswi nga na khombo swinene.

Ngwenya yi vekiwile ehansi yi pandziwa kutani ku kumiwile masalela ya munhu.

Ku ehleketiwa leswaku masalela ya kona i ya n’wamabindzu wa malembe ya 59 hi vukhale loyi a nga nyamalala wo huma eGauteng.

Maphorisa ya kume swirho swa miri wa munhu ekhwirini ra ngwenya endzhaku ko secha vhiki hinkwaro.

Ku kamberiwa ka DNA swi ta tiyisisa leswaku wanuna loyi i mani.

Mutshamaxitulu wa Khomixinara wa Rixaka Lieutenant General Puleng Dimpane u bumabumerile xivindzi xa Potgieter.

U te: “U veke vutomi byakwe ekhombyeni a tlhela a tlula ntirho wakwe ni ku sirhelela van’wana.”

Hlaya nakambe:Malema u ri vandla ra EFF ri ta lwela vatirhi va laha Afrika-Dzonga

Saps u losa Captain Potgieter eka vutlhari bya yena, vutshila na ku tinyiketela. Vulavisisi bya ha ya emahlweni.

Source:http://The Citizen