Mavarivari ya ku rhandzana ka Tyla na Chris Brown ya ya mahlweni

Mahungu lamakulu ya hlasele eka social media vhiki leri.

Vanhu va vula leswaku nhenha ya laha Afrika-Dzonga Tyla yi jola na xiyimbeleri xa le Amerika Chris Brown.

Post eka X kumbe Twitter yi avelane swifaniso. Yi vule leswaku va hlanganile ehotela ya le New York.

Yi tlhele yi vula leswaku a va ri eJoni siku ra ku velekiwa ka papa Tyla.

Post leyi yi engeterile leswaku Tyla sweswi u landzelela Chris eka Instagram.

Vaseketeri a va ri ni mintlhaveko leyi hambaneke, van’wana va nwi navelele swakahle.

Van’wana va vule leswaku swi nga ha vavisa Tyla hikwalaho ka swiphiqo swa Chris swa nkarhi lowu hundzeke.

Kambe hinkwaswo i mavunwa. Xifaniso xa “tatana i xa birthday” xi huma eka nkhuvo wa Tyla wa 2024 eLos Angeles.

Xifaniso xa le New York xi kombisa xiyimbeleri Wizkid, ku nga ri Chris.

Tyla a nga n’wi landzeleli eka Instagram. Tyla a a ri ni mavarivari lama fanaka khale.

Hi lembe ra 2024, vanhu va n’wi hlanganise na Travis Scott.

Sweswo na swona a swi ri swa vuxisi hikuva a va nga rhandzani a a ri —munghana eka swa vuyimbeleri ntsena.