Mhaka ya mhangu ya xitlangi xa PSL yi hundziseriwa emahlweni
Mutlangi wa xipano xa Sekhukhune United Shaun Mogaila a tivonakarisa ekhoto hi Ravumbirhi. Mogaila u langutane na nandzu wa swihehlo swo dlaya, ku chayela hi vusopfa ni ku balekela laha mhangu yi humeleleke kona.
Mhaka ya yena yi fambisana na mhangu leyi dlayeke nhwanyani wa malembe ya kaye na vanwana vambirhi hi nhweti ya Nhlangula.
Muchuchisi wa mfumo Xolani Khumalo u kombele leswaku nandzu wu hundziseriwa emahlweni.
Sunday World yi vike leswaku xipano xa ha nwi yimisile ku va a tlanga hikuva mhaka ya yena ayise hela.
Mhangu yi humelerile hiti 30 ta Nhlangula, laha movha wa yena wu nga tlumbana na movha wa Keo Mavimbela eTembisa.
Nwana wa nhwanyani wa Mavimbela u vuye a hindza emisaveni, Mavimbela u pone na nwana wa jaha nakona va vuye va yisiwa exibedlhele va hume hi N’wendzamhala.
Mogaile u vuye a baleka kambe utlhele ati yisa maphoriseni hi yexe.
Movha wu kumeke na byalwa na khokheyini leyi ayi ehleketeleriwa ku va kona.
Va nwi nyikile beyili ya R20,000 hi Hukuri kambe vakambisisi va ha lavisisa vhidiyo ya mhangu leyi.
