Motsepe u seketela Infantino

Presidente wa CAF Patrice Motsepe u tlhele a kombisa nseketelo wa yena eka Gianni Infantino.

Infantino hi yena Presidente wa FIFA sweswi.

Ku ve na swiviko leswi vuleke leswaku Motsepe a nga ha phikizana na xiyimo lexi.

Hambiswiritano, Motsepe u arile mahungu wolawo.

U te a nga na makungu yo phikizana na Infantino.

Motsepe u vule leswaku Infantino i munghana wa yena wo tshembeka.

U tlhele a n’wi hlamusela tanihi murhangeri lonene.

HLAYA: https://rivoniramahungu.co.za/nandzu-wa-vukungundzwana-bya-mapisa-nqakula-wu-sungurile/

Motsepe u te u ta ya emahlweni a seketela vurhangeri bya Infantino.

Marito ya yena ma herisa ku kanakana hi vumundzuku bya vurhangeri bya FIFA.