Mudyondzisi a pfinya nwana wa xikolo

Swirho swin’wana swa vaaki va le Makotopong ehandle ka Polokwane, Limpopo.

Swi vilerisiwa hi leswaku mudyondzisi wa xikolo xa le hansi wa malembe ya 58 hi vukhale.

Loyi ku hehliwaka leswaku u pfinye xichudeni xa malembe ya 13 hi vukhale, a nga si khomiwa.

Muvulavuleri wa Ndzawulo ya Dyondzo Mike Maringa u vule hi Ravuntlhanu leswaku nandzu wo pfinya mudyondzisi wu vekiwile vhiki leri nga hundza. Endzhaku ka loko a kumiwile na mudyondzi ehofisini ya xikolo.

Ku hehliwa leswaku mudyondzisi loyi a a ri karhi a pfinya n’wana loyi lontsongo ku sukela hi Hukuri lembe leri nga hundza.

Vaaki va hehla leswaku a nga ha va a pfinye na vanwana vana malembe lawa ya hundzeke.

Murhangeri wa vaaki Michael Lekota u vula leswaku vuhlayiseki bya laveka eswikolweni.

“Vadyondzisi i vatswari va vana va hina. Kutani, loko va ri vona lava va endlaka leswi eka vana va hina, a ha ha swi tivi leswaku hi ya kwihi”.

Muvulavuleri wa maphorisa Hlolani Mashaba u vula leswaku va ha lava mudyondzisi loyi. U vula leswaku mudyondzisi u vule leswaku u ta ti nyiketa emaphoriseni.

Source – SABC News
Translator – Mapula Glashy Makoto