Mutirhi wa le ka UKhozi FM Zanele Mbokazi a hlaseriwa hi (Cancer) ya mahahu

Musunguri wa Masagwadi ya Vuyimbeleri na Vulawuri bya Vuyimbeleri na Vulawuri bya (Crown Gospel) Musunguri wa Ukhozi, Zanele Mbokazi, u kumiwile a ri na cancer ya mahahu. 

Nuna wa Zanele, Bishop Mpendulo Nkambule, na mufambisi wa mabindzu wa xitichi lexi, Sbongi Ngcobo, va tivise mahungu lawa eka nongonoko wa nampundzu nimixo wa Ukhozi FM, Vuka Mzansi hi Ravunharhu.

Nkambule u vule leswaku ndyangu lowu wu teke xiboho xo endla leswaku vukamberi byi tiviwa exikarhi ka ku vulavula hi ku kongoma eka swihangalasamahungu swa le ka social media mayelana na rihanyo ra Zanele, leswi nga endla leswaku a nga vi kona emoyeni.

Mbokazi u khoma nongonoko lowu dumeke wa gospel wa xitichi, Eshilo, Sonto yin’wana na yin’wana ku sukela hi 09:00 ku ya eka 12:00.

U tlhelele exitichini lembe leri nga hundza endzhaku ka ku famba ka S’bu Buthelezi hi khotavuxika 2022, loyi kontiraka ya yena yi herisiweke hikwalaho ko tisa xitichi lexi eka ndhuma.

Nkambule u vule leswaku Zanele u vabyile mavhiki mambirhi lama nga hundza naswona hi Musumbhunuku, 29 Dzivamisoko, u amukeriwile exibedlhele endzhaku ka loko xiyimo xa yena xi nyanyile. 

Hi Ravuntlhanu lowu hundzeke, u endliwe vuhandzuri byintsongo endzhaku ko hlangana ni ku hefemula hi ku nonoka.

Hi nkarhi wa vuhandzuri, madokodela ma kume leswaku Zanele u ni cancer ya mahahu, kambe eka hinkwaswo, hi tshemba Xikwembu,’ ku vula Nkambule.

 U vule leswaku vuvabyi lebyi byi siye vana va vona ni ndyangu va tshovekile naswona va kombele leswaku vuhlayiseki bya ndyangu byi xiximiwa .