Naledi Aphiwe a khensa nseketelo wa valandzeri va yena

Naledi Aphiwe u avelane timhaka leti nga miehleketweni ya yena endzhaku ka loko a nga winanga masagwadi ya vuyimbeleri ya Metro FM ya 2026.

Hambi leswi a nga huma eka ntirho lowu a a nga ri na xidlodlo.

Muyimbeleri loyi u tshama a ri na langutelo lerinene naswona u dzikise mianakanyo ya yena eka vumundzuku bya yena loko swi ta eka vuyimbeleri.

Naledi Aphiwe uyile eka social media kuya khensa vaseketeri va yena endzhaku ka nkhuvo lowu awu khomiwile hi ti 25 ta Dzivamisoko 2026.

U kombisile ku khensa eka un’wana na un’wana loyi anga n’wi vhotela eka nguva leyi ya masagwadi.

Muyimbeleri u xiyile leswaku hambi leswi a nga hlulangiki eka nkarhi lowu, wa tinyungubyisa hi nkucetelo lowu a wu endleke hi vuyimbeleri bya yena.

U tshemba leswaku ntokoto lowu i masungulo ntsena ya ntirho wa yena naswona u kunguhata ku vuya hi matimba swinene enkarhini lowu taka.

Vaseketeri va hatlisile ku seketela Naledi eka ti social media platforms.

Valandzeri vo tala va n’wi bumabumerile hi ku va a tiyisela naswona a nga ni ntshembo hambileswi oka anga winanga masagwadi lawa.

Muyimbeleri loyi a a kumile minhlawulo yo hlaya lembe leri, leswi kombisaka ndlela leyi vukona bya yena byi kulaka ha yona eka vuyimbeleri bya Afrika-Dzonga.

Hlaya swotala:MaNgwabe u ri Uthando Nes’thembu swi ncice vutomi bya yena

Vaseketeri va kombisile ku tshemba leswaku ku tirha ka yena hi matimba ku ta nwi endla leswaku a humelela enkarhini lowu taka.

Source:http://FakazaNews