Nasreddine Nabi a susa mpfilumpfilu eka xipano Amakhosi

Khale ka muzaberi wa xipano xa Kaizer Chiefs Nasreddine Nabi u hlamarisile vaseketeri endzhaku ka tiposts taka social media.

Tipost leti tivile kona endzhaku ka loko Chiefs yi hluriwile hi 3-0 hi Orlando Pirates eka ntlangu wa Soweto Derby.

Nabi u tshikile xipano lexi hi October 2025 exikarhi ka njheka-njhekisano.

Muzaberi wa le Tunisia u avelane tindzimana ta Quran mayelana na “ku endla makungu yo biha” na “ku nga twanani.”

Votala ava ehleketa leswaku u kongomisa mhaka leyi eka vapfuneti va yena va khale, Cedric Kaze na Khalil Ben Youssef.

Lava vambirhi va tshamile eka Chiefs kutani va kondza va va vazaberi-kulobye.

Nabi u tshahile vhese ya Surah Fatir (35:43) ya leswaku: “Makungu yo biha ya tlhelela endzhaku ntsena eka lava va ma endleke.”

U tlhele a tirhisa ya Surah At-Tawbah (9:47-50) kutani a engetela aku: “Va kunguhatile, kambe Allah hi yena lonene eka vapulani.”

Vaseketeri va tshemba leswaku Nabi u titwa a xengiwile. Kaze na Ben Youssef va teke “purojeke ya yena ya nkarhi wo leha” loko a famba.

Kambe ehansi ka vona, Chiefs yi hluriwile eka mintlangu yinharhu hi ku landzelelana.

Va onhile hiloko va huma eka Khapu ya Nedbank na Khapu ya Caf Confederation.

Kaze u vule leswaku Nabi u ta tinyungubyisa, kambe tipost leti ti vula swin’wana.

Kamara ro ambalela eka rona ra Chiefs ri na mpfilumpfilu, naswona marito ya Nabi ya endle leswaku kuva na drama leyikulu.

Eka varhandzi va Amakhosi, xipano lexi Nabi axi akeke sweswi xa wa.