Nhlangano wa vatirhi wu rhuketela mfumo wa Limpopo

Thandi Mathebula u vikile leswaku Austin Mabasa, murhangeri wa nhlangano wa vatirhi lowu simekiweke eGiyani, Eptasawu, u sola swinene mfumo wa Limpopo hikwalaho ka xiboho xa wona xo nyika nseketelo eka mindyangu ya masocha ya Vusirheleri bya Rixaka ya Afrika-Dzonga (SANDF) lama hindzeke emisaveni, eka swilahlo leswi kunguhatiweke ku va kona hi ti 22 na hiti 25 ta Nyenyenyani 2025.

Ku sola ka Mabasa ku huma eka nseketelo lowu vonakaka wa mfumo wo hlawula, tani hi leswi ku hehliwaka leswaku va tsandzekile ku va kona no kombisa nseketelo eka ndyangu wa Derick Maluleke.

Un’wana wa swirho swa 14 swa SADF leswi dlayiweke eDemocratic Republic of Congo (DRC), loyi a lahliweke hi ti 16 ta Nyenyenyani 2025 eka Hlaneki eGiyani.

Hi ku ya hi Mabasa, swa “nyenyetsa ” ku va Holobyenkulu Dr. Phophi Ramathuba u nyika seketelo wo hlawuleka eka mindyangu yo karhi loko a ri karhi atshiketa van’wana.

Mapula Glashy Makoto