Nkota a hlundzukisa vaseketeri va Pirates hiku ambala jesi ya Amakhosi

Khale ka mutlangi wa xipano xa Orlando Pirates Mohau Nkota u hlundzukisile vatlangi vo tala va maBuccaneers.

U voniwe a ambale xikipa xa Kaizer Chiefs, mpfilumpfilu lowu wu sungurile hi xifaniso xa Nkota loko a ri eku titoloveteleni na xipano xa yena lexintshwa xa Saudi, Al Ettifaq.

A ambarile xikipa xa Amakhosi, kutani, ku humelele vhidiyo leyi n’wi kombisaka a ri karhi a cina ni ku burisana ni munghana wakwe, a ha ambarile mpahla ya Kaizer Chiefs.

Munghana loyi u huwelerile vito ra Nkota hi ku tsaka, vaseketeri va Pirates va hlundzukile swinene.

Va vula leswaku I muxengi hikuva a tsemekanyile layini leyikulu ya mphikizano.

Vo tala va vula leswaku Nkota a nga si tshama a tlakusa Pirates eSaudi Arabia hi ku ambala Kit ya vona.

Va tsundzuxa vaseketeri leswaku Pirates yi n’wi teke kusuka eNorthern Cape.

Naswona yi nwi akile eka ntirho wa yena hi ku tirhisa xikolo xa vona xa le henhla xa vantshwa.

Hlaya nakambe:Gift Links a vilerisiwa hiloko a siyiwile eka Bafana Bafana

Nkota swi nga endleka a kume jesi leyi tanihi nyiko, kambe eka vaseketeri va Pirates vo tshembeka aswi tano, vanwana vatwa onge Nkoka a nga tshembekanga eka xipano xa Orlando Pirates.

Source:http://Soccer Betting News