Nonku Williams a onha vunghana hi ku lomba mali a nga vuyisi

Nonku Williams a onha vunghana hi ku lomba mali a nga vuyisi.

Vunghana bya le kusuhi exikarhi ka tinhenha ta Real Housewives of Johannesburg Beverley Steyn na Nonku Williams byi onhakile.

Sweswi, swikoxo swa mali leyi nga hakeriwangiki swi le rivaleni.

Beverley u veke vhidiyo eka inthanete leyi nga na marito lama nge: “Part 1… u ndzi kolota mali.”

Eka yona, u vule leswaku u lombile Nonku mali yo tala ehansi ka ntwanano lowu sayiniweke.

Nonku a nga yi hakelanga hi siku ro hetelela, ku vula Beverley.

Leswi a languteka a hlundzukile, Beverley u vule leswaku u karhele ku tumbeta ntiyiso.

“Ndzi hetile ku ku sirhelela wena” ku vula yena eka Nonku. “Ndzi hetile ku ku tshika u ndzi xenga, u ndzi tirhisa, u endla ku fana na muhlaseriwa.”

Vaseketeri va vutisile leswaku hikokwalaho ka yini Beverley a nwi lombile mali yo tala swonghasi.

U hlamule leswaku a ku ri hikwalaho ka musa, yindlu ya Nonku a yi ri ekhombyeni ku suka ebangi.

Naswona vana va yena a va nga swi koti ku tlhelela exikolweni va nga hakelanga ya mali ya schoolfees.

“U nga vula leswaku e-e eka munghana loyi a kombelaka hi ndlela yoleyo?” Beverley u vutisile.

Hlaya nakambe:Muehleketeleriwa loyi a dlayeke DJ Warras a humelela ekhoto

Drama leyi yi hlamarisile vaseketeri lava tshameke va vona vambirhi lava tani hi vanghana lavakulu eka social media.

Source:http://FakazaNews