Norho wa Portia wu sungula a ri ni khume wa malembe

Portia Masoding wa malembe ya makume-nharhu -nharhu (33) hi vukhale.

Hi matimba u tumbuluxe Porsh Engross, brand ya fexeni leyi tshembisaka leyi kumekaka edorobeni ra Ga-Kgapane, ehansi ka Letaba district, eLimpopo.

Ku navela ka yena fexeni ku sungule a ri na malembe ya khume (10) laha a a tsakela ku dirowa.

Naswona loko a ri na 13 wa malembe, loko mudyondzisi wa yena wa le xikolweni a n’wi tivisa ku endla swilo swa fexeni.

A hundzula ntirho wa yena wo titsakisa wu va ni xivono.

Porsh Engross yi tlangela ku tiyisela, vutumbuluxi, na ku saseka ko hlawuleka ka wansati un’wana na un’wana laha yi kuma nhlohlotelo eka ntumbuluko.

Riendzo ra Portia ri vile na mintlhontlho yo hambana-hambana.

Ku katsa na tioda ta micato leti atita ti tele laha a helela a hlwela hikokwalaho ka nkarhi niku pfumala michini yo hatlisa yo rhunga.

Leswi n’wi dyondziseke ku rhangisa khwalithi na ku rhumela swilo hi nkarhi naku lawula tioda ta yena hi ku kongoma.

Portia u ku lorha ku ambarisa nhenha ya misava hinkwayo Tyla, loyi a n’wi tsakelaka hi ku titshemba na xitayili xa yena.

U langutele ku ndlandlamuxa brand ya Porsh Engross hi ku va na tiboutique.

Etikweni hinkwaro na tifeme leti humesaka swiphemu swa fexeni na yunifomo.

Wansati loyi u tinyiketerile ku tumbuluxa mitirho eka vantshwa na vavasati lavakulu.

Hi xikongomelo xo tlakusa mindyangu na miganga yo hambana-hambana.

Ku fikelela ku kula loku, Portia yi kunguhata ku vekisa eka switirhisiwa swa nkoka.

Swo fana na michini yo rhunga ya le tifemeni letikulu na yin’wana michini yo hambana-hambana.

Na switirhisiwa swinwana swa ndhawu yo tirhela eka yona swa xiphurofexinali leswi nga ta pfuneta ku veka Porsh Engross.

Tani hi yindlu ya fexeni leyi nga ta tshama nkarhi wo leha na ku phikizana hi swilo swa fexeni.

Sweswi u rhangela vanhu vo cata, vafundhisi na van’wana swiambalo swo hambana-hambana swo saseka.

Hlaya nakambe:Muyimbeleri wa ndhuma Cici u lava ku teka magoza ya nawu

Loko u lava ku kuma vuxokoxoko byo helela rhumela email eka laporsh30@gmail.com kumbe u ba riqingho eka nomboro ya 0636718716

Source:http://Portia Masoding