Nota Baloyi a hehla Sol Phenduka hi ku nwi dyela R15,000

Khale ka mufambisi wa vuyimbeleri Nota Baloyi u hehle muhaxi na podcaster Sol Phenduka hi ku n’wi kanganyisa.

Endzhaku ko hakeriwa mali yo bukiwa kambe ku hehliwa leswaku u arile ku endla mintirho ya yena yo host.

Eka Twitter hi ti 22 Ndzhati 2025, Nota u vule leswaku u hakerile Sol mali yo ringana R15,000 hi Mudyaxihi 2022 ku khoma ntirho lowu.

Hambileswi Sol a humeleleke, Nota u vule leswaku “u arile hi ku kongoma ku endla ntirho wo host.”

Ku seketela xikombelo xa yena, Nota u avelane screenshot xaku hakeriwa loku a ku endleke hi ti 27 Mudyaxihi 2022.

Naswona u kombisile ku vilela hileswi Sol a nga si tshamaka a kombela ku rivaleriwa.

Sol Phenduka u hlamurile hi marito yo chavisa a byela Nota ku pfula nandzu, a ku:

“Vugevenga a hi byinene. Swigevenga swi fanele ku va ejele, kambe ku nga ri ehandle laha swi ri karhi swi podcast na ku tweeta exikarhi ka hina.”

Vatirhisi va social media va angule hi ku hlekisa, laha vaseketeri van’wana va kombeleke “khomixini ya vulavisisi” ku lavisisa mpfilumpfilu lowu.

Mutirhisi un’wana u hlekile a vula leswaku Sol na Nota va fanele ku lulamisa timhaka ta vona.

Ximfumo kasi un’wana u tinyiketele ku va mutshamaxitulu wa khomixini.

Mpfilumpfilu lowu wu pfuxe mabulo yo anama eka inthanete tani hi leswi vaseketeri va rindzeleke nhluvukiso wun’wana eka mhaka leyi.