Ntlawa wa gospel ya Abanqobi wu hlangana ni mhangu yo chavisa

Ntlawa wa vuyimbeleri bya gospel lowu vuriwaka Abanqobi wu hlangane na mhangu leyi karhataka hi madyambu ya ti 26 ta Mhawuri 2025.

Loko bazi ra vona ra maendzo leri nga tshama ri tirha nkarhi wo leha ri khutuziwile no hlaseriwa eDurban.

Bazi leri a ri ri karhi ri tirha na ntlawa lowu ku ringana malembe ya 15.

Naswona a ri tiveka ngopfu, ngopfu-ngopfu edorobeni ra Umlazi.

Xirho Sbusiso “Lamont” Bhengu a ri karhi a chayela bazi a vuya ku suka eka vukorhokeri loko movha wun’wana wu nwi pfalela patu.

Kutani ntlawa a wu sindzisiwa ku huma hi vanhu la a va khomile swibamu.

Vaehleketeleriwa va teke bazi na ticellphone ta swirho, maphorisa ya tsundzuxiwile hi ku hatlisa.

Naswona bazi ri kumiwile endzhaku eWyebank, kambe a ri susiwile swiphemu swa nkoka ku katsa na tinyangwa, njhini, switulu na mavhilwa.

Maphorisa ya KwaZulu-Natal ya tiyisisile leswaku xitichi xa KwaNdengezi.

Xi le ku lavisiseni ka ku phangiwa ka mimovha loku fambelanaka na mhangu leyi.

Hambi leswi ku lahlekeriwa na ku vaviseka loku twiweke hi swirho swa ntlawa, ngopfu ngopfu lavambirhi lava a va ri emovheni.

Ntlawa wu tshama wu tiyile hi tlhelo ra moya naswona wu tlangela nseketelo na swikhongelo leswi humaka eka vaseketeri na vaaki.

Abanqobi i ntlawa wa gospel lowu dumeke kusukela ekusunguleni ka malembe yava 2000.

Lowu tivekaka hiku hlangana ka wona ko hlawuleka ka vuyimbeleri bya ndhavuko bya Xizulu na bya manguva lawa bya gospel.

Ntlawa lowu wu kombisile matitwelo ya wona eka xiviko xa wona eka Facebook.

Wu khensa vanhu eka swikhongelo swa vona na ku tiyisisa leswaku vurhumiwa bya vona.

A byi cincanga hambi leswi ku nga na ku tlhelela endzhaku loku.