Orlando Pirates yi landzela Sundowns hi phoyinti yin’we

Orlando Pirates yi ye ehansi hi tinhla timbirhi loko yi hlangana na Siwelele FC.

Eka Betway Premiership hi ti 14 ta March 2026, erivaleni ra mintlangu ra Orlando Amstel Arena eSoweto.

Leswi swi endla leswaku ku hlongorisa ka vona xidlolo ku tika.

Siwelele yi nghenise goli yo sungula hi ku tirhisa Vincent Pule ku nga si sungula minete ya vu 30.

Pirates yi lwile ku kondza Tshepang Moremi a a ringanisa tigoli hi minete ya vu 51 naswona ntlangu wu hele hi ku ringana hi 1-1.

Pirates sweswi yi landzela varhangeri Mamelodi Sundowns hi phoyinti yin’we.

Sundowns yi na ntlangu lowu nga sala emavokweni ya yona.

Muzaberi Abdeslam Ouaddou u tshama a ri na langutelo lerinene. “Hi fanele ku ya emahlweni hi pfumela,” ku vula yena.

“Hi sale na mintlangu ya nkaye. Vatlangi va mina va endle hinkwaswo namuntlha.”

Ouaddou u bumabumerile murindzi wa bolo wa Siwelele Ricardo Goss. “A a fana na Yesu Kriste eka tlangu lowu. U ponise hinkwaswo,” a engetela.

Muzaberi wa Siwelele Lehlohonolo Seema u tsakile ku xipano xa yena xikumile phoyinti ya le kule.

Leswi swi pfuna xipano xavona ku lwa na ku tshama eka ligi.