Oscar Mbo a akela ndyangu wa yena kaya lerintshwa

Oscar Mbo a akela ndyangu wa yena kaya lerintshwa.

DJ na muhumelerisi wa vuyimbeleri Oscar Mbo, loyi a tivekaka hi risimu ra yena ro duma ra “Vuka”.

U amukela ndzima leyintshwa yo tsakisa eka ntirho wa yena wa vuyimbeleri ni le vutomini bya yena.

Sweswinyana, Oscar u avelane mahungu yo tsakisa na vaseketeri.

U aka kaya lerintshwa, ku amukela ndyangu wa yena lowu nga ku andzeni.

Eka xitori lexi a xi vekeleke ka Instagram lexi tsakisaka.

Oscar u veke vhidiyo leyi a kombisaka swiyenge swo sungula swa ku akiwa ka yindlu ya yena.

Masungulo se ya vekiwile, leswi ringanyetaka ndhawu yo saseka yo tshama ya ndyangu leyi nga eku endliweni.

Etlhelo ka vhidiyo, u tsale marito lama khumbaka mbilu.

“Loko a vutisa Lerato leswaku u lava yini hi Khisimusi hi ti 24, u vule leswaku kaya lerikulu”.

“Tani hi leswi hi ndlandlamuxaka ndyangu wa hina, ndzi vulavule na Xikwembu kutani Xi ku, a ku na mhaka.”

Goza leri ra nkoka ri landzela hi ku fika ka n’wana wo sungula na murhandziwa wa yena Lerato Phasha.

Varhandzani lava va avelane mahungu lama tsakisaka hi Mudyaxihi laha a va tlangela n’wana wa wona la ha ku velekiwaka.

Va tlhele va avela xifaniso laha a Lerato a tikile, ntsako wa varhandzani lava wu tlhele wu tlangeriwa.

Laha vanga teka swifaniso swinwe va ri exibedlhele, laha Oscar a khome n’wana wa vona loyi a ha ku velekiwaka a cina hi ntsako.

Mhaka leyi yi kombise rirhandzu ra vona ra kahle eka inthanete.

Vaseketeri va rindzele swilo swintshwa eka vuyimbeleri bya yena na ndzima leyi leyintshwa yo tsakisa ya vutomi eka ndyangu wa yena.

Source: IOL Entertainment