Oscar MBO na murhandziwa wa yena va amukela n’wana

Oscar Mbongeni Ndlovu loyi a tivekaka hi vito ra yena ra ndhuma ra Oscar Mbo, i DJ ya laha Afrika-Dzonga yo duma swinene.

U amukerile nwana loyi a ha ku velekiwaka na murhandziwa wa yena Lerato Phasha.

Vuxokoxoko bya xitiviso xa mahungu lawa byi vekeriwe eka Instagram hi ti 28 ta Mudyaxihi, 2025

Ku vekeriwe swifaniso leswi nga ku hangalakeni eka swihangalasa-mahungu swa social media.

Laha va nga teka swifaniso swaku tika ka Lerato vaambale maburuku ya tijean ta wasi na swikipa swo basa havumbirhi bya vona.

Oscar u vekele vhidiyo eka Instagram laha ava tlanga na nwana wa vona exibedlhele va tsakile swinene.

Xifaniso xo hetelela hi lexi kombisaka Oscar, Lerato ni n’wana wa vona laha Oscar anga tsala leswaku:

Nhlamuselo: “Xikwembu xo tshembeka swinene”

Xitiviso lexi khumbaka mbilu xi kombisa ntsako ni ku nkhensa ka varhandziwa lava mbirhi loko vata sungula ndzima leyi leyintshwa tanihi vatswari.

Varhandzani ava tivisanga rimbewu ra nwana kambe vaseketeri va va navelela swilo swakahle.

Vaseketeri na valandzeri va rhumele ku navela ka vona ko kufumela na ku hoyozela varhandziwa ni nwana wa vona.

Source: IOL Entertainment