Ouaddou a vulavula hi ku pfumaleka ka Makgopa

Muzaberi-nkulu wa xipano xa Orlando Pirates Abdeslam Ouaddou.

U vulavule hi mhaka muhlaseri Evidence Makgopa ya kuva a nga tlangangi loko va hluriwa hi 2-1 hi xipano xa Mamelodi Sundowns.

Makgopa wa malembe ya makume-mbirhi-ntlhanu u vile mutlangi wa nkoka eka Pirates eka nguva leyi.

U nghenise magoza manharhu a tlhela a pfuneta ka nharhu eka ligi.

Xipano xi hluriwile ntsena eka ntlangu wun’we wa ligi laha a tlangaka – loko va hlangana na Marumo Gallants.

Ouaddou u vule leswaku Makgopa u vavisekile naswona a nga swi kotanga ku joyina xipano.

“I ndhawu leyi ndzi karhataka,” ku vula Ouaddou eka vateki va mahungu.

“Hi fanele ku va na vutshila swinene emahlweni, vahlaseri va hina i vantshwa, hikokwalaho hi fanele ku lehisa mbilu loko va ri karhi va hluvuka.

“Yoleyo i filosofi ya xipano – ku tlakusa titalenta ta vantshwa va laha Afrika-Dzonga, ndza swi xixima, kambe swi teka nkarhi.”

Vaseketeri va Pirates va tsaka swinene loko va vona Makgopa eka mintlangu ya xipano.