Pirates yi tshunelela Sundowns hi ku hlula Stellenbosch hi 2-0

Orlando Pirates yi hlule hi 2-0 loko yi hlangana na Stellenbosch FC erivaleni ra mintlangu ra Athlone laha a k tele hi Ravumbirhi na vusiku.

Leswi swi va hlayisile endzhaku ka tinhla timbirhi ntsena eka varhangeri va Betway Premiership Mamelodi Sundowns, laha ku nga sala mintlangu yinharhu eka nguva leyi.

Evidence Makgopa u nghenise goli ro sungula hi nhloko leyi humaka eka free kick ya Patrick Maswanganyi loko ku nga se fika nkarhi wa hafu ya nkarhi.

Maswanganyi u engeterile goli ya vumbirhi hi nkarhi wo yima. Goli ya yena ya matimba yi tsemakanye yi nghena eka nete leyi nga riki na nchumu endzhaku ko kanganyisa murindzi.

Pirates yi lawule ntlangu eka hafu yo sungula naswona yi tumbuluxe minkarhi yo tala.

Stellenbosch yi lwile na yona eka hafu ya vumbirhi na vatlangi lavantshwa Ashley Cupido na Vuyolwethu Andrieas.

Va vile na minkarhi, laha Genino Palace a nga ringeta ku nghenisa goli,kambe vusirheleri bya Pirates a byi khome ntlangu lowu hi matimba.

Muzaberi wa Stellenbosch Gavin Hunt u endle ku cinca hi ku hlasela ngopfu, kambe Pirates yi hlule tinhla hinkwato tinharhu.

Endzhaku ka sweswo, Pirates yi ta tlanga ekule na Magesi FC hi Mugqivela.

Stellenbosch yi ta langutana na Durban City ekule hi Ravuntlhanu.

Hlaya swotala:SuperSport yi yimisa muxopaxopi wa swa mintlangu hi xihatla

Sundowns yi nga hlayisa ku rhangela ka yona hi tinhla ta ntlhanu loko yo hlula Kaizer Chiefs hi Ravunharhu.

Source:http://The Citizen